Sergio López de Ocáriz, gizonezkoen haur mailako txapeldunordea izan da puntukako sailkapenean
Gure igerilari junior eta absolutuek Arabako Txapelketara igerilekura jaurtitzen ziren aldi berean, 17 haur igerilari Kantabriako lurretara abiatzen ziren urtarrilaren 27 eta 28an Kantabrian ospatu zen Camargoko Udala Nazioarteko Trofeo erakargarrian parte hartzera.

Bertan estatuko eta nazioarteko igerilariak ikusi ahal izan genituen: Jaime Morote bular igerilaria eta Martin Melconian uruguaitarra, Naiara Pineda bular igerilari gaztea, Dohako hurrengo munduko txapelketara joango dena, eta Lidón Muñoz esprinter bikaina.

Puntukako sailkapenean honako hauek nabarmentzen dira:

• Sergio López de Ocáriz, 2. sailkatua 50L eta 100L
• Argider Marimón, 6. sailkatua 200L eta 50 bizkar
• Laida Díaz de Cerio, 13. sailkatua: 50L eta 100L

Sergio López de Ocáriz Euskadiko adin-markarik onena 50 bular proban eta Uxue Navarro Arabako adin-markarik onena 200 tximeleta proban

Euskal igeriketa selekzioak Mallorcako Palman hartu zuen parte junior eta infantil mailako Autonomia Erkidegoko Espainiako Txapelketan. Eta Selekzioak klubeko hiru igerilari hauei deitu zien parte hartzera: Sergio López de Ocáriz infantil kategorian eta beste bi igerilari, junior mailakoak, Uxue Navarro eta Uxue Ortiz de Pinedo.

Markei dagokienez, Palma de Mallorcako gure ordezkarien artean hauek nabarmendu ziren: Sergio López de Ocáriz, 50B proban Euskadiko 15 urteko Marka Onenarekin (31.86), eta Uxue Navarro, 200 tximeleta proban Arabako 17 urteko Marka Onenarekin (2.26.59).

Aurten ere, Judizmendi IK-k ez zuen huts egin Errege Magoen hitzordura, maitasun handiz eta agian inoiz baino malenkonia handiagoarekin; izan ere, badakigu trofeo hau instalazio honetan ospatuko den azken aldia izango dela, 2024an Estadion egingo diren obrak direla eta.

Harmailak jendez gainezka egon ziren, klubaren oraina, etorkizuna eta iragana lehian ikusteko, Judizmendi IK-ren familia osoarentzako Gabonetako igeriketa festa handian.

Lehenik, eskolako azken kaleko etorkizuneko 26 igerilariei eman zitzaien bidea, ilusioz eta urduritasun handiz ekin baitzieten euren lehen lehiaketari, 25 metroko erakustaldiarekin. Ondoren, oraina etorri zen, 50 libreko eta 100 estiloko proba igeri egiteko 76 ikaslek parte hartu baitzuten; eta gero 200 estilo probako trofeoak lortzeko 69 federatuak lehiatu ziren. Azkenik, Ur Irekietako eta igerilari ohietako hogei bat igerilari 100Ei-ko proba laburrera abiatu ziren.

Azken finean, klubeko ia 200 igerilari edo igerilari ohi bildu zituen festa handi bat izan zen, azken Erregeen Trofeoan betiko pileta zaharrean parte hartzeko ilusioarekin bildu zirenak.

Emaitzak – Argazkiak

lau igerilari deitu ditu euskal selekzioak, zortzi final eta espainiako txapelketarako sei gutxieneko, oso emaitza onak euskadiko txapelketarik ospetsuenean

Joan den abenduaren 29an beste denboraldi batez gabonetako nazioarteko txapelketara joan ginen, emaitza onak ekarri dizkigun urte honi amaiera emateko. Oraingoan Ordizian ospatu zen, igerileku motzean.

Klubeko hamazazpi igerilarik Nazioarteko Txapelketa honetarako izen emate zaila gainditu zuten, horietako lauk Euskal Selekzioaren barruan – Beñat Agirrebaltzategi, Pablo Espejo, Xabier Nanclares eta Uxue Ortiz de Pinedo– eta beste hamahiruk.

Eta hitzordu horretan lortutako emaitzarik aipagarrienak hauexek izan ziren:

• Goizeko kanporaketen ondoren zortzi final igeri egin zituzten: Gure Abad (1), Beñat Agirrebaltzategi (2), Uxue Alba (1), Pablo Espejo (1), Xabier Nanclares (2), Uxue Ortiz de Pinedo (2)• Estatuko txapelketarako sei gutxieneko: Gure Abad (50B-100B), Pablo Espejo (50B), Sergio López de Ocáriz (50B), Uxue Ortiz de Pinedo (50B-100B).

Gizonezkoen gure taldeak, Oscar Abad entrenatzailearekin batera, Castellonera bidaiatu zuen, abenduaren 20an, 21ean eta 22an, Lehen Mailako Kluben Espainiako XXXIII. Kopan parte hartzeko. Espainiako Kopan azken aldiz parte hartu eta lau urtera, azken postuak saihesteko asmoz abiatu ginen, baina momento hartan ikasketengatik eta lanarengatik falta batzuek taldea murriztu egin zuten. Izan ere, azken sailkapenean hamabosgarren postua lortu zuen taldeak, horrek lehiaketa handi bat zapuztu ez bazuen ere. Egia esan, estatu mailan txapelketa nagusian 24 gizonezko talde onenen artean neurtu ahal izan genuen.

Euskadiko Marka Onen bat, Arabako hiru Errekor absolutu, Arabako Marka Onen bat eta Espaniarako txapelketarako zazpi gutxieneko marka … Zalantzarik gabe…. TALDE-LORPEN HANDIA!!