Maiatzaren 24an eta 25ean Judizmendi Igeriketa Kluba Donostiako Paco Yoldi igerilekuan izandako Gipuzkoa Open Sarian egon zen. Lehiaketara hainbat infantil, junior eta absolutu mailetako igerilari joan ziren, trofeoan parte hartzeko beharreko marka baizutenak.

Hauek izan ziren gure ordezkarien emaitza nabarmenak:

• 35 banakako final, 8 emakumezko eta 27 gizonezko, horien artean 22 A final eta 13 B final izan ziren
• 24 domina banakako probetan, 7 urre, 11 zilar eta 8 brontzetan banatuta.
• Klubeko 6 igerilarik bere kategoriako Espainiako txapelketara joateko gutxienekoa lortu zuten 11 alditan ere
• Arabako 2 markarik onen eta 16 urteko Euskadiko markarik onena Sergio López de Ocárizek eginda, 50 bular (30.06) eta 100 bular (1:06.22)

Hitzordu hau lurraldeetako, erkidegoko eta Espainiako txapelketen aurretikako azken prestaketa proba izan zen. Oro har, espero ziren emaitzak lortu, proba askotan igerileku luzeko marka hobetu eta, horrez gain, finaletan kanporaketetan baino hobeto errenditzeko gaitasuna nabarmendu zen, denboraldiaren azken zatiari begira balorazio positiboa utziz.

Banakako emaitzarik aipagarrienen artean, hobekuntza pertsonala dela eta, bi igerilari absoluturen jarduna nabarmentzekoa da, Urko Zugazaga eta Aritz Marimón, baita Urtzi Puertas infantilaren lorpena ere, zeinak Espainiako txapelketara joateko bere lehen gutxienekoa eskuratu zuen 200 bular proban.

Eta Espainiako txapelketaren gutxienekoei dagokienez, klubeko sei igerilarik Espainiako txapelketan parte hartzeko hamaika gutxieneko egin zituzten. Hauexek izan ziren: Urtzi Puertas (200B), Manex Abadek (50 bular), Sergio López de Ocariz (50B, 100B, 100 bizkar, 200Ei), Uxue Ortiz de Pinedo (50B, 100B, 200B) eta Pablo Espejo (50B, 100B).

Klubeko beste kirolari batzuk ere Espainiako txapelketako gutxienekoa lortzetik oso gertu egon ziren, eta horrek denboraldiaren zati honetan lehia-maila altua eta bilakaera tekniko esanguratsua erakusten du. Ehunen gutxitara hauexek geratu ziren: emakumezkoetan, Eider Aguirre 200Ei eta 50L, Maddi Sanz 50L eta Laida Dz Cerio 50B; eta gizonezkoetan, Beñat Abaitua 50B, Beñat Agirrebaltzategi 50 tximeleta, Aritz Marimón 50 tximeleta, Urtzi Puertas 50 bizkar eta 200 bizkar eta Urko Zugazaga 100L.

Bereziki azpimarragarria izan zen Sergio López de Ocárizek Arabako eta Euskadiko 16 urteko bi marka onenak lortu izana 50 bular (30.06) eta 100 bular (1: 06.22), azken horrek hiru hamarkada baino gehiagoz indarrean egon den marka gaindituz.

Dominen atalean, klubak 24 eskuratu zituen guztira banakako probetan, 7 urre, 11 zilar eta 8 brontzeren artean banatuta.

• URRE (7): Uxue Ortiz de Pinedo 50B-100B-200B junior, 50-100B-200B absolutu, Maddi Sanz 200Ei infantil, Sergio Lpz de Ocáriz 50B-100B-200Ei junior, Manex Abad 50 bizkar infantil, Urtzi Puertas 200 bizkar infantil

• ZILAR (11): Beñat Abaitua 50B junior, Pablo Espejo 50B absolutu, Sergio Lpz de Ocáriz 100B absolutu, Urtzi Puertas 200B-50 bizkar infantil

• BRONTZE (8): Amaia Rodríguez de Yurre 400L infantil, Laida Díaz de Cerio 50 tximeleta junior, Beñat Agirrebaltzategi 50M absolutu, Sergio Lpz de Ocáriz 100 bizkar junior, 50B-200Ei absolutu, Pablo Espejo 100B absolutu

Gure kirolariak 35 finaletan sartu ziren: bost emakumezko eta hamabi gizonezkok, 22 A finaletan eta 13 B finaletan: Eider Aguirre, Xabier Díaz de Berrikano, Aitor Díaz de Cerio, Markel Espejo, Ander Jiménez, Aritz Marimón eta Urko Zugazagak aipatutako dominadunak lagundu zituzten.

Gipuzkoa Openeko parte hartzea modu positiboan baloratzen da, bai banakako lorpenengatik, bai lehiaketan erakutsitako jarreragatik. Talde teknikoak orain arte egindako lan ona eta egutegiko hurrengo hitzorduei aurre egiteko prestakuntza egokia azpimarratu ditu!!