Joan den apirilaren 18an, Judizmendi IK-k 50 metroko igerilekuan Mendizorrotzako instalazioetan egindako Udaberriko Trofeoan parte hartu zuen. Izan ere, hilabete lehiatu gabe egon ondoren, lehiaketak taldea jarduerara itzultzea suposatzen zuen, eta, gainera, igerileku luzean esperientzia eta egokitzapena pilatzen jarraitzeko balio zuen. Egia esan, hauxe da denboraldiko hitzordu nagusiei begira gero eta garrantzitsuagoa den alderdia.

Txapelketak sentsazio onak utzi zizkion taldeari, bai errendimendu kolektiboagatik, bai igerilariek erakutsitako eboluzio tekniko eta lehiakorragatik. Klubak honako hauek lortu zituen guztira:

• Euskadiko 130 gutxieneko

• Kategoriako 7 sari

• Urtzi Puertasek 50 bizkarrean lortutako estatu mailako junior gutxieneko berri bat.

• Marka-hobekuntza ugari; izan ere, igerian egindako proben bi heren jaitsi ziren, 140 erregistro onenekin jokatutako 202 probatan.

Talde teknikoak txapelketa planteatu zuen Espainiako eta Euskal Herriko gutxieneko berriak bilatzeko helburuarekin, eta, horrez gain, lehiaketa hain ohikoak ez diren probetan eta distantzietan lehiatzeko aprobetxatu zuen. Igerilari guztiek lau proba egin zituzten 50 metroko igerilekuan erregistroak pilatzen jarraitzeko, lehia-lana lehenetsiz banakako sarien gainetik.

Balorazio orokorra oso positiboa izan zen, batez ere taldea piskanaka igerileku luzera egokitu zelako. Entrenamendu-talde guztietan hobekuntza bat egiaztatu ahal izan zen, baita igerilariek marka oso lehiakorrak zituzten probetan ere.

Minimoen atalean, klubak Euskadiko 130 gutxieneko eskuratu zituen guztira, kategoria guztietan banatuta:

• Infantilen 52 gutxieneko

• Junior 37 gutxieneko

• 20 urtez azpiko 11 gutxieneko

• 37 gutxieneko absolutu

Gainera, Urtzi Puertasek denboraldiko Espainiako lehen junior gutxienekoa lortu zuen 50 bizkarreko proban, txapelketako emaitzarik nabarmenetakoa izanik.

Zenbait igerilari ere estatu mailako gutxieneko berriak lortzetik oso hurbil geratu ziren:

• Pablo Espejo, 50 bizkarreko gutxienekotik 0,08ra

• Sergio López de Ocáriz, 50 libreko gutxienekotik 0,08ra eta 400 estilokotik 1,96ra

• Xabier Cortina, gutxienekotik 0,16ra, 50 tximeletan.

• Eider Aguirre, 100 libretik 0,58ra.

Kategorien araberako sariei dagokienez, CN Judizmendi IK-k zazpi aldiz lortu zuen podiumera igotzea emandako 18 sarietatik:

• Infantilen kategoria:

o 1.a Eider Aguirre

o 2.a Malen Abaitua

o 3.a Ixone Garay

• Junior kategoia:

o 2.a Sergio López de Ocáriz

o 3.a Markel Espejo

o 3.a Laida Díaz de Cerio

• Kategoria absolutua:

o 3.a Aritz Marimón

Udaberriko Trofeoak igerileku luzeko txapelketan hazten jarraitzeko aukera eman zion taldeari, eta taldearen bilakaera ona berretsi zuen denboraldiaren azken txanpa honetan. Hots, igerilari ugari hurbildu ziren helburu nazional eta autonomikoetara.