Plan de euskera

Beste arlo batzuetan egin den eta egiten ari den moduan, kirolean ere euskara sustatzeko neurriak hartzea benetan garrantzitsua da hizkuntzaren biziberritze prozesurako.

Kirola haurrek, gazteek eta helduek gustura egiten duten ekintza da, eta jarduera horiek euskararekin lotzean, hizkuntza ere bizipen positiboekin identifikatzen dugu. Begirale eta entrenatzaileak gakoa dira lan horretan, eta euren inplikazioa ezinbestekoa da euskararen normalizaziorako aurrerapausoak ematen jarraitzeko, baita kirolean ere.

Judizmendi Igeriketa Klubarentzat haurren eta gazteen heziketa oso garrantzitsua da, eta beraz, baita euskararen erabileran eragitea ere. Horretarako, Arabako Foru Aldundiaren laguntzaz eta Emun Kooperatiba Elkartearen eskutik, 2018an Euskara Plana jarri genuen martxan, eta ordutik, jarraipen estua egiten diegu ezarritako helburuei. Plangintzaren helburu nagusia elkarteak ematen duen zerbitzuan euskararen erabilera areagotzea da, nahiz eta begirale, entrenatzaile eta arduradunen arteko harremanetan eragiten ere saiatzen garen.